ბეიბიქალმი 50მლ

კამის ზეთი, ბაღის პიტნის ზეთი, ანისულის ზეთი, მცენარეული გლიცერინი.

არ შეიცავს შაქარს და დამატკბობლებს; არ შეიცავს ალკოჰოლს; არ შეიცავს კონსერვანტებს და საღებავებს.

გამოშვების ფორმა: ზეთოვანი ხსნარი შუშის ფლაკონში 15 მლ – 50 მლ სხნარის მოსამზადებლად

მოქმედება:

კამის ზეთი – მიიღება მცენარის მარცვლებისგან და აქვს სასიამოვნო არომატი. ანეიტრალებს აირებს და არეგულირებს მონელების პროცესებს კუჭნაწლავში. ეფექტურია საჭმლის მონელების თითქმის ყველა პრობლემის სამკურნალოდ – აირების დაგროვების, მუცლის შებერილობის, ნაწლავური სპაზმების და შეკრულობის ჩათვლით.

ანისულის ზეთი – მიიღება მცენარის ხმელი ნაყოფისგან. ასტიმულირებს საჭმლის მონელების პროცესებს, ხსნის სპაზმებს ნაწლავებში, აქვს ტკივილგამაყუჩებელი და ანტისეპტიკური მოქმედება. განსაკუთრებით ეფექტურია სხვადასხვა სახის სტრესით გამოწვეული ნაწლავური პრობლემების სამკურნალოდ.

ბაღის პიტნის ზეთი – მიიღება მთლიანი მცენარისგან. ახდენს ძლიერ ზემოქმედებას მთელ მომნელებელ ტრაქტზე. არის ძლიერი სპაზმოლიზური საშუალება. ხსნის კოლიკას, აქვს ამოქაფების და ღებინების საწინააღმდეგო მოქმედება, ამშვიდებს ნერვულ სისტემას.

ბეიბიქალმის წვეთები გამოიყენება შემდეგი ჩვენებით:

• შეტევითი ტკივილები საჭმლის მომნელებელ ტრაქტში (ახალშობილთა კოლიკა); 

• საჭმლის მონელების გაძნელება; 

• ხშირი ამოქაფება და/ან ღებინება

უკუჩვენება: გამოვლენილი და დადასტურებული ალერგიული რეაქციები (ჰიპერმგრძნობელობა) საკვები დანამატის რომელიმე კომპონენტის მიმართ.

გვერდითი მოვლენები: არ გამოვლენილა.

სიფრთხილის ზომები: საკვები დანამატის მიმართ ცუდი ამტანობისას ან გაუთვალისწინებელი სიმპტომებისას მიმართეთ ექიმს. 

გამოყენების წესი და დოზები: შეავსეთ ბოთლი ანადუღარი და კარგად გაგრილებული წყლით ბოთლზე მიკრული ეტიკეტის ზედა საზღვრამდე, ისე, რომ საბოლოოდ მიიღოთ 50 მლ სხნარი. ყოველი გამოყენების წინ ბოთლი კარგად შენაჯღიეთ. გამზადებული ხსნარი თავისივე პიპეტით ჩააწვეთეთ ბავშვს პირის ღრუში – 10 წვეთი ყოველი ჭამის წინ ან ჭამათა შორის შუალედებში – ნელნელა, წვეთ-წვეთობით (არ გამოიყენოთ კოვზი!). დღეღამის განმავლობაში გამოყენების ჯერადობა შეზღუდული არ არის.

შენიშვნა: გამოიყენება გახსნიდან 8 კვირის განმავლობაში.

ჭარბი დოზირება: ჭარბი დოზირებისას ან საკვები დანამატის მიღების შეწყვეტისას მავნე ეფექტების განვითარების საშიშროება არ არსებობს.

შენახვის პირობები და ვადები: ინახება 25°C ტემპერატურამდე. ბნელ, სინათლისგან და ბავშვებისგან დაცულ ადგილას.
ვარგისიანობის ვადა: 2 წელი. ვარგისიანობის ვადის ამოწურვის თარიღი მითითებულია შეფუთვასა და ფლაკონზე. ამ თარიღის გასვლის შემდეგ საკვებ დანამტს ნუ გამოიყენებთ.

მწარმოებელი კომპანია: Hisunit Ltd. ისრაელი  

ოფიციალური დისტრიბუტორი საქართველოში: შპს „ლარიფან კავკასია“