ლარიფან პესო 1.5მგ

აქტიური ნივთიერება: ლარიფანი – ორსპირალური რიბონუკლეინის მჟავა (dsRNA) – 1,5 მგ / ვაგინალური პესარია

სხვა ნივთიერებები: კაკაოს ცხიმი, ლანოლინი, ნატრიუმის ქლორიდი, მეთილპარაჰიდროქსიბენზოატი, პროპილპარაჰიდროქსიბენზოატი,  გამოხდილი წყალი.

ორსპირალური რნმ-ი ლარიფანი ბუნებრივი წარმოშობის ინტერფერონმაინდუცირებელი ნივთიერებაა, რომელსაც გააჩნია ანტივირუსული, იმუნომოდულაციური, ანთების საწინააღმდეგო მოქმედება. წარმოადგენს რა ინტერფერონის აქტიურ ინდუქტორს, ლარიფანს გააჩნია ანტივირუსული მოქმედების ფართო სპექტრი. ის ეფექტურია ჰერპესის, პაპილომას, ვარიცელა ზოსტერ ვირუსის (იგივე ჩუტყვავილა), ებშტეინ-ბარის ვირუსის, ციტომეგალო ვირუსის, გრიპის, რინოვირუსების, ენტეროვირუსების, კოქსაკის ვირუსების, კორონავირუსების და სხვა ვირუსების მიმართ.

ლარიფანი ავლენს პირდაპირ ანტივირუსულ ეფექტს, რომელიც თავისი მექანიზმით ინტერფერონების მოქმედების მსგავსია, ლარიფანის ზემოქმედებით წყდება ვირუსის გამრავლებას ეტაპზე, რომელიც საერთოა ყველა ვირუსისთვის.

ლარიფანის ძირითადი ფუნქციაა ორგანიზმის ბუნებრივი იმუნიტეტის გაძლიერება. ლარიფანი ახდენს ისეთი იმუნური უჯრედების გააქტიურებას და მობილიზებას, როგორიცაა ლიმფოციტები, მაკროფაგები, ციტოკინები და ა.შ., რის შედეგადაც ძლიერდება ფაგოციტური რეაქცია, უმჯობესდება უჯრედების რეგენერაციის უნარი და, შესაბამისად, ჭრილობების შეხორცების პროცესიც. ასევე, თვალსაჩინოა მსუბუქი ტკივილგამაყუჩებელი ზემოქმედება. ნეიტროფილების ფუნქციონალური აქტივობის გაძლიერებისა და ფაგოციტოზის აქტივაციის ხარჯზე მიიღწევა ინფექცისს საწინააღმდეგო და ანთების საწინააღმდეგო მოქმედება.

ორგანიზმში მოხვედრის შემდგომ ორნმ-ლარიფანი 40-60 წუთში იშლება და სწრაფად გამოიყოფა ორგანიზმიდან. 

ლარიფან პესო1,5 მგ ვაგინალური სანთლების ჩვენებებია:

• მეორადი იმუნოდეფიციტის პროფილაქტიკა და მკურნალობა;

• ჰერპეს-ვირუსული ინფექციების სისტემური მკურნალობა (მორეციდივე და პროლონგირებული ფორმების ჩათვლით), მათ შორის: გენიტალური ჰერპესი, მარტივი ჰერპესის პირველი და მეორე ტიპი (ჰერპესული გამონაყარით კანსა და ლორწოვანზე), ებშტეინბარის ვირუსი (ინფექციური მონონუკლეოზი, ბერკიტის ლიმფომა, ქრონიკული დაღლილობის სინდრომი),  ციტომეგალოვირუსი;

• პაპილომა-ვირუსული ინფექციის მკურნალობა, ონკოგენური შტამების ჩათვლით. საშვილოსნოს ყელის დისპლაზია – CIN I და CIN II  მკურნალობა, ასევე კონიზაციის შემდგომ – რეციდივის თავიდან ასაცილებლად;

• ურეაპლაზმის, მიკოპლაზმის და ქლამიდიოზის კომბინირებული მკურნალობა ანტიბიოტიკთან კომბინაციაში;

• არასპეციფიური ვაგინიტები.

• სქესობრივად ტრანსმისიული დაავადებების განვითარების რისკის შესამცირებლად..

ორსულობა ლაქტაციის პერიოდებში გამოყენება: ექიმის კონსულტაციით.

განსაკუთრებული მითითებები: 

არ გამოიყენოთ პრეპარატი იმ შემთხვევაში, თუ აღმოაჩენთ, რომ დარღვეულია მისი შეფუთვის მთლიანობა.

უკუჩვენება:

მაღალი მგრძნობელობა პრეპარატის შემადგენელი კომპონენტებისადმი.

გვერდითი მოვლენები:

არასასურველი გვერდითი მოვლენები გამოვლენილი არ არის.

სიფრთხილის ზომები:

ყურადღებით გაეცანით და დაიცავით პრეპარატის ინსტრუქციაში მითითებული შენახვის და გამოყენების წესები. პრეპარატის გამოყენების პერიოდში რაიმე სახის უცნაური მოვლენების დაფიქსირების შემთხვევაში მიმართეთ ექიმს.

დოზის გადაჭარბება:

დოზის გადაჭარბების კლინიკური შემთხვევები არ გამოვლენილა.

ვარგისობის ვადა:

2 წელი. არ გამოიყენოთ პრეპარატი ვარგისობის ვადის გასვლის შემდგომ.

შენახვის პირობები:

ინახება გრილ და ბავშვებისთვის ხელმიუწვდომელ ადგილზე.

მწარმოებელი და სავაჭრო ლიცენზიის მფლობელი: LTD Larifan. Riga. Latvia

ოფიციალური დისრიბუტორი საქართველოში: შპს „ლარიფან კავკასია“, თბილისი. საქართველო